Ոչինչ չի կարող խանգարել երազանքս իրականացնելուն․ Հենրիխ Մխիթարյան (տեսանյութ)

Հայաստանի հավաքականի և անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանն այսօր, լրագրողների հետ զրույցում խոսելով անգլիական ակումբում իր կարիերայի մասին,  նշեց, որ չի հանձնվելու և ամեն ինչ անելու է իր երազանքն իրականացնելու համար։

«Ամեն ինչ շատ լավ է։ Թեև քիչ խաղային ժամանակ եմ ստանում, բայց դա խոչընդոտ չի կարող լինել։ Կարծում եմ` ոչինչ չի կարող ինձ խանգարել առաջ շարժվել և իմ երազանքն իրականացնել, քանի որ երկար ճանապարհ եմ անցել այդտեղ հայտնվելու համար։ Եթե հանձնվեմ, ապա կնշանակի, որ ես դեռ ոչինչ չեմ արել։ Փորձելով իմ մեջ ուժ գտնել այս իրավիճակում` ամեն ինչ անելու եմ, որ իմ ուզածին հասնեմ»,- ասաց ֆուտբոլիստը։

Հենրիխ Մխիթարյանի ասուլիսն ամբողջությամբ՝ տեսանյութում։