Անհնար է, որ մեզ վերադարձնեն ոսկե մեդալը. Գաբրիել Ղազարյան

Սպորտի և երիտասարդության հարցերի նախարար Գաբրիել Ղազարյանն այսօր Yerkir.am-ի հետ զրույցում խոսեց Ռիոյի օլիմպիական խաղերում հունահռոմեական ոճի ըմբիշ Միհրան Հարությունյանի եզրափակիչ գոտեմարտի մասին, երբ մրցավարական բացահայտ կողմնակալության պատճառով մեր մարզիկը զրկվեց ոսկե մեդալից:

Մեր հարցին, թե սպորտի նախարարությունը պատրաստվո՞ւմ է բողոք ներկայացնել, Ղազարյանը պաստախանեց. «Դա Օլիմպիական կոմիտեի միջոցառումն է: Որպես պետական գերատեսչություն` մենք իրավասու չենք բողոք ներկայացնել: Անհնար է, որ մեզ վերադարձնեն ոսկե մեդալը, քանի որ նման պրակտիկա չի եղել: Լավագույն դեպքում կարող են որակազրկել մրցավարներին:  Հանրությանը թվում է, թե մենք ոչինչ չենք արել: Մենք արել ենք ամեն ինչ: Թյուր կարծիք է, որ ոսկե մեդալը հնարավոր է տան Հայաստանին: Դա բացառվում է: Մենք համատեղ աշխատում ենք  ՀԱՕԿ-ի հետ:  Շուտով ընդհանուր ժողով ենք անելու, և պարզ կլինեն մեր հետագա քայլերը»,- ասաց նախարարը: