Ինձ համար կարեւոր է խաղալ Հայոց ցեղասպանության 101-րդ տարելիցի օրը. Յուրա Մովսիսյան

Ամերիկյան «Ռեալ Սոլթ Լեյքի» հայ հարձակվող Յուրա Մովսիսյանը հայտնել է, որ իր համար կարեւոր է Հայոց ցեղասպանության 101-րդ տարելիցի օրը դուրս գալ խաղադաշտ: Այդ օրը հայ ֆուտբոլիստի թիմը մրցելու է  «Լոս Անջելես Գելեքսիի» հետ:

«Անկասկած, դա յուրահատուկ երեկո է  լինելու: Չգիտեմ` շատե՞րն են տեղյակ, որ այս տարի ապրիլի 24-ին լրանում է Հայոց ցեղասպանության 101-րդ տարելիցը: Այդ օրը յուրահատուկ է ողջ աշխարհի հայերի համար եւ ինձ համար նույնպես: Վաղուց էի ցանկանում վերադառնալ եւ խաղալ Լոս Անջելեսում: Վստահ եմ, որ այդ օր մարզադաշտում շատ հայեր կլինեն»,- ֆուտբոլիստի խոսքերն է մեջբերում MLS-ի պաշտոնական կայքը: