Լևոն Տեր-Պետրոսյանը ավտորիտարիզմի կնքահայրն է. Փոստանջյան

Խորհրդարանական ճեպազրույցների ընթացքում «Ժառանգություն» խմբակցության պատգամավոր Զարուհի Փոստանջյանից լրագրողները հետաքրքրվեցին, թե «Ժառանգություն»-ը միացե՞լ է ՀԱԿ-ի` Ընտրական օրենսգրքի հետ կապված առաջարկներին:

Փոստանջյանը հայտարարեց, որ իրենք միանալու խնդիր չունեն, և ՀԱԿ-ն է իրենց միացել, քանի որ Լևոն Տեր-Պետրոսյանը, ՀՀՇ-ն դեռ ավտորիտար իշխանություն էին, խորհրդարանում էլ ՀԱԿ չկար, իսկ «Ժառանգություն»-ն ընդդիմություն էր, և այս պահանջները դնում էին: Լևոն Տեր-Պետրոսյանն էլ ավտորիտարիզմի կնքահայրն է:

Ճշտող հարցին, թե այդ դեպքում ինչպե՞ս եք գնահատում այն, որ, իր գնահատմամբ, ավտորիտար ուժը`ՀԱԿ-ը, միացել է «Ժառանգության» ժողովրդավար պահանջներին, նա պատասխանեց, որ ավտորիտար ռեժիմից օգտվելու հնարավորություններն են քչացել: