Ռուսաստանում գիտնականը սպանվել է գործարարին նկատողություն անելու համար

Եկատերինբուրգում դաղստանցի գործարարը  կրակել և սպանել է ՌԴ գիտությունների ազգային ակադեմիայի գիտաշխատողի միայն այն բանի համար, որ նա իրեն նկատողություն է արել. հայտնում է Газета.Ru-ն։

56-ամյա Օլեգ Շեպատկովսկին և նրար գործընկեր` 51-ամյա Վլադիմիր Կուզնեցովը նկատողություն են արել ավտոբուսի կանգառում «գեղեցիկ» համարներով թանկարժեք Land Cruiser մեքենան կայանած տղամարդուն։ Գործարարը նախ ծեծել է գիտնականներին, իսկ հետո, հանելով ատրճանակը, կրակ բացել։

Նշվում է , որ քանի դեռ  գիտնականը հիվանդանոցում է գտնվել, արտասահմանյան մեքենայի վարորդին նույնիսկ չեն ձերբակալել, և ԶԼՄ-ներն անգամ տեղյակ չեն եղել կատարվածից: Սակայն, երբ գիտնականը մահացել է, միջադեպի ապշեցնող հանգամանքները ջրի երես են դուրս եկել:

Գործը փոխանցել են Ռուսաստանի քննչական կոմիտե,  կատարվում է հետաքննություն։