Առաջիկա 2 տարում ԵԽԽՎ հանձնաժողովի նիստեր Բաքվում չեն անցկացվի

Այսօր Բաքվում անցկացված` ԵԽԽՎ Բյուրոյի նիստը քաղաքական սկանդալով է ավարտվել. հայտնում է ադրբեջանական Turan-ը:

Բյուրոն որոշում է կայացրել չեղյալ հայտարարել ԵԽԽՎ հանձնաժողովի նիստերը մոտակա 2 տարիներին Բաքվում անցկացնելու որոշումը: Որոշումը ուժի մեջ կմտնի 2014-ի հունիսի 1-ից:

Դա կապված է այն բանի հետ, որ Ադրբեջանը թույլ չի տվել ԵԽԽՎ փոխնախագահ, Վեհաժողովի Ֆրանսիայի ներկայացուցիչ Ռենե Ռուքեին մուտք գործել Ադրբեջան:

Ըստ ԵԽԽՎ Բյուրոյի՝  փոխնախագահին վիզա չտրամադրելը խախտում է ԵԽԽՎ անդամների ազատ տեղաշարժման, անձեռնմխելիության ու արտոնությունների մասին ընդհանուր համաձայնագիրը եւ Փարիզի արձանագրությունները:

Նշենք, որ Ռուքեին վիզա չտրամադրելու պատճառը ԼՂՀ կատարած նրա այցելությունն է: