Արա Բուդաղյանը ինքնաբացարկի դիմում է ներկայացրել

Հուլիսի 8-ին Գորիսում կայանալիք` քաղաքապետի ընտրությունների թեկնածուներից Արա Բուդաղյանն այսօր առավոտյան ինքնաբացարկի դիմում է ներկայացրել թիվ 37 ընտրատարածքային ընտրական հանձնաժողով:

Արա Բուդաղյանի նախընտրական շտաբի նախկին ղեկավար Ռոբերտ Հակոբյանը Yerkir.am-ի հետ զրույցում նախ հաստատեց Բուդաղյանի ինքնաբացարկի մասին լուրը, իսկ հետո նշեց, որ նա իր թեկնածությունը հանել է հօգուտ քաղաքապետի մեկ այլ թեկնածուի` Տիգրան Կարապետյանի:

«Ի սկզբանե նշվել էր, որ երկու թեկնածուները համատեղ տանում են այս ընթացքը, որ միասին են, բայց ինչ-որ պահի  նրանցից մեկը պետք է մնա: Հիմա քննարկվել է ու որոշում է կայացվել, որ ինքնաբացարկ պետք է ներկայացնի Արա Բուդաղյանը եւ աջակցի Տիգրան Կարապետյանին` գործընթացը Տիգրանը տանի»,- նշեց Ռոբերտ Հակոբյանը: