Ամեն ինչով գերազանցեցինք «Բանանց»-ին. Արամ Ոսկանյան

«Միկա»-«Բանանց» խաղից հետո «Միկա»-ի գլխավոր մարզիչ Արամ Ոսկանյանը հանդիպեց լրագրողների հետ:

«Շատ ուրախ եմ, որ  այսքան շատ լրագրողներ էին ներկա այս հանդիպմանը: Խաղն, իրոք, մեծ հետաքրքություն էր առաջացնում», -հետխաղյա մամլո  ասուլիսի ժամանակ ասաց մարզիչը:

Անդրադառնալով խաղին` մասնագետը նշեց. «Հենց խաղասկզբից սկսեցինք պրեսինգի դիմել և մեծ ճնշում գործադրեցինք մրցակցի վրա, ինչի արդյունքում արագ գոլ խփեցինք: Ուրախ եմ, որ 2 գոլերն էլ հեղինակեցին պատանի ֆուտբոլիստները: Մեր լեգեոներները նույնպես մեծ ծավալի աշխատանք կատարեցին այսօր, սակայն չկարողացան գոլի հեղինակ դառնալ: Հավանաբար, նրանց խանգարեց հաջողության հասնելու մեծ ցանկությունը: Այնուամենայնիվ,  մենք այսօր ամեն ինչով գերազանցեցինք մրցակցին և հաղթեցինք արժանիորեն»: