Ուկրաինայի գլխավոր դատախազությունը Յանուկովիչին ձերբակալելու որոշում է կայացրել

Ուկրաինայի գլխավոր դատախազությունը նախկին նախագահ Վիկտոր Յանուկովիչին և Ուկրաինայի անվտանգության ծառայության նախկին պետ Ալեքսանդր Յակիմենկոյին ձերբակալելու որոշում է կայացրել: Այս մասին այսօր հայտնել է Ուկրաինայի անվտանգության ծառայության պետ Վալենտին Նալիվայչենկոն. գրում է BBC Russian-ը:

Նրա խոսքերով` փետրվարի 18-20-ը Կիևի կենտրոնում մարդկանց գնդակահարությունը տեղի է ունեցել Յանուկովիչի հրամանով:

Նշենք, որ այսօր Կիևում հրապարակվել են դիպուկահարների գործով հետաքննության նախնական արդյունքները: Ուկրաինայի ԱԳՆ ղեկավար Արսեն Ավակովը հայտարարել է, որ մարդկանց վրա կրակող դիպուկահարները «Բերկուտ»-ից են եղել: