Արամ Մանուկյանը բռնեց ՀՀԿ-ի սուտը

ՀԱԿ խմբակցության քարտուղար Արամ Մանուկյանը Հանրային ծառայությունները կարգավորող հանձնաժողովի նախագահ Ռոբերտ Նազարյանից հետաքրքրվեց, թե ինչու գոյացավ 300 միլիոն դոլարի պարտքը,ինչու դրա մասին ոչ մի միջազգային կառույց չիմացավ, և ով գնահատեց «Հայռուսգազարդ»-ի քսան տոկոսի գինը:

Ռոբերտ Նազարյանը նշեց. «Ձեր բոլոր հարցերին չեմ կարող պատասխան տալ, որովհետև այդ հարցերը մեր գործառույթների մեջ չեն մտնում: Տվեք այնպիսի հարց, որը հնարավորություն կտա փոխադարձ պատասխանել, զրուցել, վաղուցվանից չէինք տեսել իրար»:

ՀԱԿ պատգամավորը արձագանքեց. «Բա ինչո՞ւ էին երեկ ՀՀԿ գործընկերները համոզում, թե դուք տալու եք այս հարցերի պատասխանները, մեզ մեղադրելով, որ մենք զազրախոսում ենք: Ես օգտագործեցի ձեզ հարց տալու իրավունքը իրենց կարևոր բան ապացուցելու համար»,- ասաց Արամ Մանուկյանը:

Հիշեցնենք, որ երեկ ԱԺ նախագահ Հովիկ Աբրահամյանը և ՀՀԿ որոշ պատգամավորներ մեղադրում էին ընդդիմությանը՝ գազային պայմանագրերն ուսումնասիրող ժամանակավոր հանձնաժողով ստեղծելու առաջարկի համար, ասելով, որ Ռոբերտ Նազարյանը կտա հուզող հարցերի պատասխանները: