Արամ Մանուկյանը չի փոշմանել

Թեեւ «հանցագործի հետ բանակցելը ծիծաղելի էր» Արամ Մանուկյանի համար, բայց նա լրագրողների հետ հանդիպման ժամանակ վստահեցրեց, որ երկխոսությունն ամեն դեպքում ՀԱԿ-ին պետք էր:

«Մենք ձեւի համար չենք գնացել երկխոսության»,- վստահեցրեց Մանուկյանը եւ նշեց, որ այդ կերպ ցանկանում էին իշխանափոխության հասնել խաղաղ ճանապարհով, «իսկ իշխանությունը չգնաց այդ խոհեմությանը»:

«Ինչո՞ւ իշխանությունը չգնահատեց երկխոսությունը» հարցին Մանուկյանը պատասխանեց. «Ես վախենում եմ պրիմիտիվիզմից, անգրագետ մարդու հետ վիճելուց, երբ իշխանության մեջ ոչ տառաճանաչ մարդիկ որոշումներ են կայացնում: Հանցագործությունը ծնում է տգիտություն, որի ապացույցն էլ երկխոսությունից հրաժարվելն էր: Իշխանության կողմից դա անլրջություն էր, ապացուցեց նրանց ոչ խոհեմ, ոչ շրջահայաց լինելը»: