Կիևը բաց կթողնի ասոցացման հնարավորությունը, եթե ցուցարարներին ուժով ցրեն. Լիտվայի ԱԳՆ ղեկավար

Ուկրաինայի իշխանությունները բաց կթողնեն ԵՄ-ի հետ Ասոցացման համաձայնագիր ստորագրելու հնարավորությունը, եթե երկրում ճգնաժամի կարգավորման ժամանակ հաղթի ուժի քաղաքականությունը. հայտարարել է Լիտվայի ԱԳՆ ղեկավար Լինաս Լինկյավիչյուսը. հայտնում է podrobnosti.ua-ն:

«Եթե հաղթի ռացիոնալ մտածողությունը, կլոր սեղանը, հարցի լուծում գտնելը, ապա կարելի է առավել կառուցողական արդյունքների հույս ունենալ: Սակայն, եթե հաղթի ուժի քաղաքականությունը, ապա, իհարկե, ոչ միայն բաց կթողնվի Ասոցացման համաձայնագիրը ստորագրելու հնարավորությունը, որը որպես նպատակ է դրված, այլև կայրվեն վստահության վերջին կամուրջները»,- ասել է նա Լիտվայի ռադիոյին: