Ըստ թուրքական ԶԼՄ-ների` Դավութօղլուն ՀՀ իշխանություններին պայման է ներկայացնելու

Դավութօղլուն խոսել է Երևան կատարելիք այցի և դրա շրջանակներում Հայաստանի արտաքին գործերի նախարար Էդվարդ Նալբանդյանի ու նախագահ Սերժ Սարգսյանի հետ հանդիպման մասին. հայտնում է aksam.com-ը:

Թուրքական քարոզչական մեքենան շարունակում է «երգել», թե իբր Դավութօղլուն սահմանների բացման համար պայման է ներկայացնելու Հայաստանին` «Ադրբեջանի 7 օկուպացված  շրջաններից» առնվազն 2-ից հեռանալու դեպքում  հայ-թուրքական սահմանը կբացվի: Նա հավաստիացրել է, որ այս պայմանի ընդունումը կնպաստի Հայաստանի առևտրին:

Ըստ թուրքական լրատվամիջոցների`փոխվարչապետ Ալի Բաբաջանը, ով 2009 թվականին արտգործնախարար էր, Սևծովյան տնտեսական համագործակցության շրջանակներում նույնպես մեկնել էր Երևան և հանդիպում ունեցել Հայաստանի նախագահ Սերժ Սարգսյանի և ԱԳ նախարար Էդվարդ Նալբանդյանի հետ, եւ իբր դրա արդյունքում էլ հենց` հանդիպումից մոտ վեց ամիս անց, Շվեյցարիայում տեղի ունեցավ հայ-թուրքական արձանագրությունների ստորագրումը: