Աշխարհի ամենահեղինակավոր ԶԼՄ-ներից է. Դավութօղլուն` «Անադոլու»-ի մասին

Թուրքիայի վարչապետ Ահմեդ Դավութօղլուն թուրքական Anadolu Ajansı ազգային լրատվական գործակալության հիմնադրման 95-ամյակի կապակցությամբ ելույթ է ունեցել:

Ըստ T24-ի՝ Դավութօղլուն գովասանքի խոսքեր է ասել` նշելով, որ այն «աշխարհի ամենահեղինակավոր լրատվական գործակալություններից մեկն է»:

«Սույն գործակալությունը վերջին տարիներին ավելի է հզորացրել լրատվական դաշտում իր գործունեությունը: Anadolu Ajansı-ն վերջին տարիներին ավելի արդյունավետ է դարձրել ներքին և միջազգային լուրերի ցանցը, լրատվական գործունեությունը հետաքրքիր դարձրել և հարստացրել: Ես  լիովին համոզված եմ, որ մեր ազգային լրատվական գործակալությունն ավելի մեծ հաջողությունների է հասնելու»,- ասել է Թուրքիայի վարչապետը: