Հայաստանի անդամակցությունը ՄՄ-ին սխալմամբ դիտարկվում է հայ-ռուսական հարաբերությունների տեսանկյունից

Հայաստանի` Մաքսային միությանն անդամակցելու գործընթացներում առավելությունների ու թերությունների մասին խոսելիս միշտ նկատի են առնվում հայ-ռուսական հարաբերությունները, սակայն պետք է հիշել, որ ՄՄ-ն երեք երկիր է ներկայացնում. Երեւան-Մոսկվա տեսակամուրջի ժամանակ նշեց «Հյուսիս-հարավ» քաղաքական կենտրոնի գործադիր տնօրեն Ալեքսեյ Վլասովը:

Նա հիշեցրեց, որ Հայաստանի` Մաքսային միությանն անդամակցելու հարցով բանակցային գործընթացների ֆորմատով ՄՄ բոլոր անդամների շահերն ու դիրքրոշումները հավասարապես հաշվի են առնվում, եւ Հայաստանի անդամակցությունը երեք երկրների իրավահավասար որոշելու հարցերն են:

«Մենք արդեն մինչեւ 2015 թվականը պետք է փորձենք փոխել «ում է ձեռնտու այդ անդամակցությունը» կոնցեպցիայի գծային` Ռուսաստան-Հայաստան մոտեցումը ու հասկանանք, որ արդեն խոսում ենք եվրասիական Մաքսային միության մասին, որը պետք է կառուցի իր տնտեսական հարաբերությունները` ընդհանուր հետաքրքրությունների համատեքստում»,- նշեց Ալեքսեյ Վլասովը: