Ռուսաստանը չի կարող վերահսկել Սնոուդենի գործողությունները

Ոչ ոք թույլ չի տա ԱՄՆ ԿՀՎ նախկին աշխատակից Էդվարդ Սնոուդենին խախտել ՌԴ նախագահ Վլադիմիր Պուտինի՝ ԱՄՆ-ի դեմ չգործելու պահանջը: Այդ մասին Коммерсант-ին հայտնել է Պուտինի մամուլի քարտուղար Դմիտրի Պեսկովը. հայտնում է РИА Новости-ն:

Հիշեցնենք, որ անցյալ շաբաթ եվրոպական ԶԼՄ-ներում ԱՄՆ հատուկ ծառայությունների կողմից մասշտաբային գաղտնալսում իրականացնելու մասին տեղեկություններ հայտնվեցին: Լրագրողները վկայակոչել էին Սնոուդենի տրամադրած տվյալները:

Սպիտակ տան բարձրաստիճան ներկայացուցիչը հայտարարել էր, որ Մոսկվայում Սնոուդենի գործողությունները վնասում են ԱՄՆ ազգային շահերին:

Պեսկովն, ի պատասխան, ընդգծել է, որ ոչ ոք ՌԴ-ում թույլ չի տալիս Սնոուդնին գործել ԱՄՆ-ի դեմ: ՌԴ-ն նրան ժամանակավոր ապաստան է տրամադրել, իսկ ում հետ հանդիպել և ինչպիսի գործունեություն ծավալել ինքն է որոշում: