Ես խնդրել եմ, որպեսզի իմ որոշումը հարգեն. Ռուբեն Հակոբյան

Արդեն տեղեկացրել ենք, որ Ռուբեն Հակբոյանը հրաժարվում է  «Ժառանգություն» խմբակցության ղեկավարի պաշտոնից:

«Ես ուղղակի հրաժարվել եմ խմբակցության ղեկավարի պաշտոնից եւ խնդրել եմ, որպեսզի իմ ցանկությունը հարգեն»,- ԱԺ նիստերի դահլիճից դուրս գալուց հետո լրագրողների հետ զրույցում հայտարարեց Ռուբեն Հակոբյանը:

Նա նաեւ տեղկացրեց, որ խմբակցությունը նիստ կանի եւ կորոշի` ով է ղեկավարելու այն: Հակոբյանը չի կարծում, թե իրենց խմբակցությունում առանձնապես շատ լուրջ բան է կատարվում: 

Հարցին, թե տեղյակ է, արդյոք, Րաֆֆի Հովհաննիսյանն այս որոշումից, նա ասաց.  «Րաֆֆին չէր ուզում, որ ես հրաժարական տայի, բայց, որպես շատ դեմոկրատ մարդ, հարգեց իմ որոշումը»:

Հարցին էլ, թե ինչու է հրաժարվում, Հակոբյանը չի չպատասխանեց` հայտարարելով, որ մեկնաբանություններ չի անի:

Հիշեցնենք, որ մեր տեղեկություններով` Հակոբյանին փոխարինելու է Զարուհի Փոստանջյանը: