Հայրիկյանին վա՞ղը դուրս կգրեն

ՀՀ ԱԺ նախագահ Հովիկ Աբրահամյանին հնարավորություն է տրվել մտնել «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունք, որտեղ գտնվում է ՀՀ նախագահի թեկնածու Պարույր Հայրիկյանը: Ինչպես գրում է galatv.am-ը, քիչ առաջ դուրս գալով վերակենդանացման բաժանմունքից` նա լրագրողներին տեղեկացրել է, որ Պարույր Հայրիկյանի վիճակը բավարար է, կայունանում է:

Ուստի, ըստ ԱԺ նախագահի, ընտրությունները հետաձգելու անհրաժեշտություն, ամենայն հավանականությամբ, չի լինի, քանի որ չի բացառվում, որ հենց վաղն էլ Հայրիկյանը դուրս գրվի հիվանդանոցից:

Ինչպես հաղորդում է կայքի լրագրողը, հիվանդանոցը շարունակում է մնալ մարդաշատ, իրավիճակը լարված է, քանի որ Հայրիկյանի հարազատները անընդհատ մեղադրանքներ են հնչեցնում, քննարկում տարբեր վարկածներ: