Հայաստանի գինեգործարանները նպատակ ունեն գրավել ռուսական շուկան

Վերջին 20 տարում առաջին անգամ հայ գյուղացին կարողացել է մթերվող խաղողի գին թելադրել. այսօր լրագրողների հետ հանդիպման ժամանակ ասաց Հայաստանի գինեգործների միության նախագահ Ավագ Հարությունյանը:

«Խաղողի մթերման նվազագույն գինը 2011 թվականին մեկ կիլոգրամի համար եղել է 135 դրամ` նախորդ տարիների 70-80 դրամի համեմատ: Պատճառը գինեգործարանների միջեւ առկա մրցակցությունն է եղել: Հայաստանի ե'ւ խոշոր, ե'ւ փոքր գինեգործարանները արտասահմանյան ժամանակակից սարքավորումներ են գնել, եւ նպատակ ունեն գրավել ռուսական շուկան, որտեղ ճգնաժամից հետո հայկական գինու նկատմամբ պահանջարկի մեծ աճ կա»,- ասաց նա` վստահեցնելով, որ հաջորդ տարի մթերումներն ավելի կանոնակարգված կլինեն: