Ադրբեջանցին ընդունել է իր մեղքը

2011թ. հուլիսի 31-ի լույս օգոստոսի 1-ի գիշերը Սամարայում ազգությամբ հայ ոստիկան Սամվել Մեհրաբովին սպանած Ադրբեջանի ուշուի ազգային հավաքականի նախկին մարզիչ, սանդա ուշուի աշխարհի և Եվրոպայի չեմպիոն Ջանփոլադ Բուդաղովն իր առաջին ցուցմունքներում խոստովանել է, թե Մեհրաբովին սպանել է պատահաբար. գրում է vesti.az կայքը:

«Նա առաջինը հարձակվեց ինձ վրա և ծեծեց։ Ես պաշտպանվում էի և նրան դանակով հարվածել եմ պատահաբար»,- ասել է Բուդաղովը:

Սակայն Մեհրաբովի մայրը պնդում է, որ Բուդաղովը ստում է և ինքը տեսել է, թե ինչպես է տեղի ունեցել իր որդու սպանությունը:

Ավելի վաղ vesti.az-ը տեղեկացրել էր, թե  ադրբեջանցի չեմպիոնը հայ ոստիկանին սպանել է ադրբեջանցիներին պատկանող սրճարանում տեղի ունեցած վիճաբանության ժամանակ: