Իրանցի համասեռամոլներն ընդդեմ Ահմադինեժադի

Իրանի համասեռականները Facebook սոցիալական ցանցում արշավ են սկսել իրանական վարչակարգի դեմ, որն իրենց հանցագործներ է համարում եւ դրա համար մահապատիժ սահմանում: Նրանք ինտերնետում իրենց տեսահաղորդագրություններ են թողել` փորձելով աշխարհին ցուցադրել, թե ինչպես են տառապում խտրական քաղաքականությունից. գրում է Guardian թերթը:

Թեեւ 2007-ին Իրանի նախագահ Մահմուդ Ահմադինեժադը հայտարարել էր, թե Իրանում համասեռամոլներ չկան, ավելի քան 1600 մարդ միացել է «Մենք ամենուր ենք» ինտերնետային ակցիային: Իհարկե, իրենց պատմությունները վիտուալ տարածքում տեղադրած իրանցիներն ամեն կերպ թաքցրել են իրենք ով լինելը` երկյուղելով բացահայտումից ու մահապատժից:

Իրանցի համասեռամոլները, փախչելով այաթոլլաների վարչակարգից, հիմնականում ապաստան են գտնում հարեւան Թուրքիայում, թեեւ վերջինս նույնպես ավելի ու ավելի է շեղվում իսլամականացման ճանապարհով: