Իշխանափոխության կոչ` ՀՅԴ հանրահավաքում

«Բոլորս ենք տեսնում, որ հայն իր երկրում, չունենալով ապրելու հնարավորություն, լքում է այն, հեռանում է հույսը կորցրած` այլ երկրում գոյություն պաշտպանելու համար»,- Սիսիանում ՀՅԴ կազմակերպած այսօրվա հանրահավաքում ասել է ՀՅԴ Հայաստանի Գերագույն Մարմնի ներկայացուցիչ Արմեն Ռուստամյանը:

Հայտարարելով, որ ներկա իրավիճակը շտկելու եւ այսօրվա վիճակն արմատախիլ անելու համար ստեղծվել են լավ պայմաններ` նա կոչ է արել ժողովրդին` հենց այդ նպատակն իրագործելու համար տեր լինել յուրաքանչյուր քվեի, որպեսզի իշխանությունները չկարողանան թվեր նկարել: Իսկ, եթե, այնուամենայնիվ, «նկարեն», անհրաժեշտ է կամք ու վճռականություն` հետագա պայքարին հաջող ընթացք ապահովելու համար:

«Մենք մեր ձեռքի տակ պետք է ունենանք իրավական հիմք, որպեսզի հետագայում կարողանանք պաշտպանել մեր ընտրական իրավունքի արդարությունը»,- ասել է ՀՅԴ Հայաստանի Գերագույն Մարմնի ներկայացուցիչը: