Ի պաշտպանություն վարչապետի հանրահավաքում հնչել են բռնության կոչեր․ «Իմ քայլ»

Իմ քայլը» դաշինքը ֆեյսբուքյան էջում անդրադարձել է այսօր Ազատության հրապարակում  մի խումբ ակտիվիստների կազմակերպած հանրահավաքին ու դրան հաջորդած երթին:

«Հարգելի քաղաքացիներ, հիշեցնում եմ, որ «Իմ Քայլը» դաշինքը չի կարող աջակցվել ոչ մի հավաքի կամ երթի կողմից, որտեղ հնչում են բռնության և նույնիսկ գրեթե-բռնության կոչեր։ Միևնույն ժամանակ հիշեցնում եմ, որ «Իմ քայլը» դաշինիքի քաղաքականությունը հրապարակային է և թափանցիկ։ Երբ «Իմ քայլը» դաշինքը հավաք կամ երթ է կազմակերպում, դա արվում է բաց և հանրային կոչի միջոցով։ Այլ կերպ ասած՝ այսօրվա ակցիայի հետ մենք կապ չունենք՝ ոչ ուղղակի, ոչ անուղղակի»։

Տեղեկացնենք, որ այսօր Ազատության հրապարակում մի խումբ ակտիվիստների կողմից իրականացվել է հանրահավաքը՝ հանուն Հայաստանի անկախ դատական համակարգի եւ  ի պաշտպանություն վարչապետ Նիկոլ Փաշինյանի։

Ի դեպ, հանրահավաքը հեռարձակվել է Հանրային հեռուստաընկերության ֆեյսբուքյան ուղիղ եթերով։