Հայաստանի մաքսակետերը կարդիականացվեն

ՀՀ կառավարությունը, ՊԵԿ նախագահի ղեկավարությամբ, ստեղծել է մրցութային հանձնաժողով` հայ-վրացական պետական սահմանի Բագրատաշենի, Գոգավան-Պրիվոլնոյեի և Բավրայի անցակետերի շինարարական աշխատանքների իրականացման համար: Հանձնաժողովի կազմն արդեն հաստատվել է, այն բաղկացած կլինի ՀՀ մի շարք նախարարությունների և գերատեսչությունների ներկայացուցիչներից։

Կառավարության այսօրվա նիստում վարչապետ Տիգրան Սարգսյանը հանձնարարել է հնարավորինս կարճ ժամկետում պատրաստել մրցույթի անցկացման կանոնակարգը և տեխնիկական առաջադրանքը, որպեսզի շինարարական աշխատանքները որքան հնարավոր է շուտ սկսվեն:

«Մենք կառուցելու ենք ժամանակակից մաքսային կետեր` համալիրներ, որոնք ներառելու են պետության կողմից տրամադրվող բոլոր ծառայությունները, որպեսզի կարողանանք մեկ պատուհանի սկզբունքով որակապես նոր ծառայություններ մատուցել»,- նշել է վարչապետը` կարեւորելով այն հանգամանքը, որ նախագծերը համապատասխանում են միջազգային լավագույն ստանդարտներին։

Վարչապետը շնորհակալություն է հայտնել Եվրամիության գործընկերներին, որոնց տրամադրած դրամաշնորհով էլ մշակվել են նախագծերը։

Տիգրան Սարգսյանը նաեւ տեղեկացրել է, որ առաջիկայում Մեղրիում ևս կկառուցվի ժամանակակից մաքսակետ։