Ալավերդու, Աբովյանի և Բերդի բժշկական կենտրոնները կարդիականացվեն

ՀՀ առողջապահության նախարարությունից տեղեկացնում են, որ 2013-ին մարզային առողջապահական համակարգի հետագա զարգացման նպատակով կտարվեն մի շարք աշխատանքներ:

Մասնավորապես` կսկսվեն Մեղրու տարածաշրջանային բժշկական կենտրոնի նոր շենքի կառուցման և Կապանի բժշկական կենտրոնի մասնաշենքերի վերանորոգման աշխատանքները: Կարդիականացվեն նաև Ալավերդու, Աբովյանի և Բերդի բժշկական կենտրոնները: Իսկ Վանաձորում կկառուցվի 190 մահճակալ ունեցող, երրորդ մակարդակի բազմաֆունկցիոնալ բժշկական նոր կենտրոն:

Դեպի մարզեր ուղղվող միջոցները հնարավորինս մեծացնելու նպատակով և հաշվի առնելով, որ մարզերի մեծ մասում արդեն առկա են նոր վերակառուցված և տեխնիկապես հագեցված ժամանակակից բժշկական հաստատություններ, 2013 թ. բյուջեով պետական պատվերով իրականացվող հիվանդանոցային բուժօգնության համար տրամադրվող միջոցների համամասնությունը փոխվել է հօգուտ մարզերի։

Ծրագրավորված աշխատանքներ կտարվեն մարզերում նոր ծառայությունների կազմակերպման,աշխատող բժիշկների մասնագիտական որակավորման բարձրացման և նոր կադրերով համալրման ուղղությամբ։