Ահմադինեժադը պատրաստ է վերադառնալ բանակցություններին

Իրանի նախագահ Մահմուդ Ահմադինեժադը Ռուսաստանի նախագահ Դմիտրի Մեդվեդեւի հետ հանդիպման ժամանակ առաջարկել է քննարկել Իրանի դեմ պատժամիջոցները վերացնելու հարցը. այսօր լրագրողներին հայտնել է ՌԴ արտգործնախարար Սերգեյ Լավրովը:

Նրա խոսքերով` Ահմադինեժադը հաստատել եւ մեկ անգամ եւս հայտարարել է, որ Թեհրանը միջուկային զենք չունի: Հանդիպման ընթացքում նա խոստացել է վերադառնալ միջուկային հիմնախնդրի վերաբերյալ բանակցություններին եւ թափանցիկ համագործակցել Ատոմային էներգիայի միջազգային գործակալության հետ:

«Իրանի նախագահը ընդունել է միջնորդ «վեցյակի» կառուցողական առաջարկները եւ պատրաստ է համագործակցել»,- հայտարարել է Լավրովը: