ԱՄՆ-ը կոչ է արել Հայաստանին և Ադրբեջանին՝ վերադառնալ բանակցություններին ԵԱՀԿ ՄԽ համանախագահության հովանու ներքո

Միացյալ Նահանգները դատապարտում է Հայաստանի և Ադրբեջանի՝ միջազգայնորեն ճանաչված սահմանին բռնությունների վերջին սրումը.  ասվում է ԱՄՆ պետքարտուղարության մամուլի խոսնակ Նեդ Փրայսի հայտարարության մեջ:

«Մենք կոչ ենք անում Հայաստանին և Ադրբեջանին՝ կատարել հրադադարի ռեժիմի՝ իրենց ստանձնած պարտավորությունները և անհապաղ քայլեր ձեռնարկել իրավիճակը ապաէսկալացնելու ուղղությամբ: Շարունակվող լարվածությունը հայ-ադրբեջանական սահմանին հաստատում է, որ միայն համապարփակ կարգավորմամբ, որը կներառի բոլոր չլուծված խնդիրները, հնարավոր կլինի կարգավորել երկու երկրների հարաբերությունները և թույլ տալ տարածաշրջանի մարդկանց՝ խաղաղ ապրել միմյանց հետ: Միացյալ Նահանգները կոչ է անում Հայաստանին և Ադրբեջանին՝ վերադառնալ բովանդակային բանակցություններին ԵԱՀԿ Մինսկի խմբի համանախագահության հովանու ներքո որքան հնարավոր է շուտ՝ հակամարտության տևական քաղաքական կարգավորմանը հասնելու համար»,- ասվում է ԱՄՆ պետդեպարտամենտի հայտարարության մեջ: