ՆԱՏՕ-ն շարունակում է ռմբակոծել Տրիպոլին

Այս գիշեր ՆԱՏՕ-ի ռազմաօդային ուժերը դարձյալ ռմբակոծել են Լիբիայի մայրաքաղաք Տրիպոլին, այդ թվում` Մուամար Քադաֆիի կեցավայրը, հեռուստակենտրոնի եւ պետական տեղեկատվական գործակալության շենքերը:

Ականատեսների խոսքերով` առաջնորդի ապարանքի մոտակայքում 5 ռումբ է պայթել:

Reuters-ը տեղեկացնում է, որ ռմբակոծությունների հետեւանքով 4 երեխա է վիրավորվել:

Հիշեցնենք, որ մարտի 1-ի ռմբակոծություններին զոհ էին գնացել Քադաֆիի կրտսեր որդին եւ երեք թոռները: Լիբիական կառավարությունը հայտարարել էր, որ Քադաֆին եւ նրա կինը չեն տուժել, սակայն դրանից հետո գնդապետն այլեւս ոչ մի տեղ չի երեւացել, ինչը թույլ է տալիս ենթադրել, որ նա նույնպես զոհվել է: