Չինովնիկներն ու "Ֆեյսբուքը"

Անկախ պաշտոնի մեծությունից,  մեր չինովնիկներն այսօր, կարծես, սկսել են տառապել «ֆեյսբուքացավով» ու անպայման ուզում են իրենց ներկայությունն ապահովել այնտեղ: Իսկ Երևանի քաղաքապետը նույնիսկ հանձնարարական է տվել իր ենթականերին՝ գրանցվել այս սոցիալական կայքում, անկախ տարիքից, կարողություններից և հետաքրքրություններից, որի հետևանքով էլ ոմանք հայտնվում են զավեշտալի իրավիճակներում։

Վառ օրինակ է Երեւանի քաղաքապետարանի տրանսպորտի վարչության պետ Հենրիկ Նավասարդյանը, ով երեկ  լրագրողների հետ հանդիպմանն ասել է՝ «Ֆասբուքում» բացվել է իմ կայքը» ու որպես իր հասցե թելադրել իր էլեկտրոնային փոստը:

Նշենք, որ վերջերս Facebook-ում են հայտնվել նաեւ ԱԺ նախագահ Հովիկ Աբրահամյանը, Գյումրիի քաղաքապետ Վարդան Ղուկասյանը: Ի դեպ, երեկ Աժ նախագահ Հովիկ Աբրահամյանն էլ վարչապետ Տիգրան Սարգսյանին որոշել է պատասխանել«ՙFacebook»-ի իր էջում: Մի խոսքով՝ կարելի է փաստել , որ «Facebook» -ը մեր կյանքը թափանցիկ դարձրեց եւ շուտով այստեղ կտեսնենք, թե ԱԺ պատգամավորներ, քաղաքապետեր, միգուցե նաեւ գյուղապետեր, ինչպես են իրար հետ շփվում վիրտուալ աշխարհում եւ ով՝ ում, ինչ սրտիկներ ու սմալիկներ է ուղարկում: