Ռուսաստանը հնարավոր է հրաժարվի "Հարավային հոսք"-ից

Ռուսաստանը հնարավոր է հրաժարվի «Հարավային հոսք» խողովակաշարի շինարարությունից, եթե «անհաղթահարելի խոչընդոտներ լինեն», այդ դեպքում, որպես այլընտրանք, Սեւ ծովի ափին կկառուցի գազի հեղուկացման գործարան. ըստ «Կոմերսանտ» թերթի` հայտնել է ՌԴ վարչապետի մամուլի խոսնակ Դմիտրի Պեսկովը:

Իսկ ՌԴ փոխվարչապետ Իգոր Սեչինի խոսքերով` երեկ Կրեմլում տեղի ունեցած ռուս-թուրքական բանակցությունների ընթացքում ռուսական կողմին չի հաջողվել համոզել Թուրքիային «Հարավային հոսք»-ի խողովակները կառուցել Սեւ ծովի հատակի` Թուրքիայի բացառիկ տնտեսական գոտի համարվող հատվածում:

Այդ ամենից հետո Մոսկվան քննարկում է նախագծի էժանացման տարբերակներ, այդ թվում` դեպի Եվրոպա ռուսական գազը ոչ թե խողովակաշարով, այլ հեղուկացված վիճակում տեղափոխելու հարցը: