Պուտինը Սերբիայի վարչապետի հետ կքննարկի «Հարավային հոսք»-ի իրականացումը

ՌԴ նախագահ Վլադիմիր Պուտինը հուլիսի 8-ին Սերբիայի վարչապետ Ալեքսանդր Վուչիչի հետ կքննարկի քաղաքական երկխոսության, ինչպես նաև առևտրատնտեսական համագործակցության, այդ թվում` էներգետիկայի ոլորտին վերաբերող հարցեր. հայտնում է РИА Новости-ն:

Ռուսաստանը և Սերբիան այսօր, մասնավորապես, համագործակցում են «Հարավային հոսք»-ի իրականացման ուղղությամբ:

Ավելի վաղ ԶԼՄ-ներում տեղեկություն էր տարածվել,  թե Սերբիան ստիպված է հետաձգել «Հարավային հոսք»-ի շինարարական աշխատանքները հարևան Բուլղարիայում նախագծի դադարեցման պատճառով: Ավելի ուշ վարչապետ Ալեքսանդր Վուչիչը հայտարարել է, որ այդ նախագծի իրականացման մեջ փոփոխություններ դեռ չկան, և կառավարությունն այդ հարցը պաշտոնապես չի քննարկել: