Պուտինը ԵՏՄ ղեկավարների հետ կքննարկի կորոնավիրուսի դեմ պայքարի հետ կապված հարցերը

Ռուսաստանի Դաշնության նախագահ Վլադիմիր Պուտինը ապրիլի 14-ին կմասնակցի վիդեոկոնֆերանսի ձևաչափով անցկացվելիք Եվրասիական տնտեսական միության գագաթնաժողովին. հայտնում է Yerkir.am-ը՝  Կրեմլի մամուլի ծառայության հայտարարությանը հղումով։

Հաղորդագրությունում, մասնավորապես, ասվում է. «Հիմնական ուշադրությունը կդարձվի կորոնավիրուսային վարակի տարածման կանխարգելման եւ Եվրասիական տնտեսական միության անդամ երկրների տնտեսական կայունության պահպանման ուղղությամբ համատեղ քայլերի քննարկմանը»։

Նշվում է նաև, որ քննարկումից հետո նախատեսվում է ընդունել Եվրասիական բարձրագույն տնտեսական խորհրդի անդամների համատեղ հայտարարությունը: