Ասանժն իր երկրում օրենք չի խախտել

Ավստրալիայի ոստիկանությունը եկել է այն եզրակացության, որ WikiLeaks-ի հիմնադիր և Ավստրալիայի քաղաքացի Ջուլիան Ասանժը իր երկրում ոչ մի օրենք չի խախտել: Այս մասին այսօր ասել է Ավստրալիայի վարչապետ Ջուլիա Գիլարդը:

Կառավարությունը ոստիկանությանը հանձնարարել էր պարզել, թե արդյոք WikiLeaks-ի կայքէջը, ԱՄՆ դիվանագիտական փաստաթղթեր տարածելով, խախտում է ավստրալիական որևէ օրենք:

«Մենք ստացել ենք խորհրդատվությունը, որտեղ ասվում է, որ ավստրալիական օրենքի խախտում չի եղել»,- ասել է Գիլարդը:

Գիլարդը նաև հայտարարել է, որ փաստաթղթերի արտահոսքն է, որ ակնհայտ անօրինական է, և որ արտահոսքը այժմ ուսումնասիրվում է ԱՄՆ-ի կողմից և այդ հարցում Ավստրալիան աջակցում է ԱՄՆ իշխանություններին: