ԵԱՏՄ–ում մարկետփլեյսների աշխատանքի միասնական կանոններ կգործեն. Միխայիլ Միշուստին

ՌԴ վարչապետ Միխայիլ Միշուստինն Եվրասիական միջկառավարական խորհրդի նիստում հայտարարել է, որ ԵԱՏՄ-ում առցանց առևտրի հարթակների համար աշխատանքի միասնական կանոններ կգործեն։

Նրա խոսքով՝ ԵԱՏՄ-ում էլեկտրոնային առևտրի վերաբերյալ հաստատվող համաձայնագիրը նախատեսված է պաշտպանելու ինչպես վաճառողների, այնպես էլ գնորդների շահերը։ Բիզնեսների համար կգործեն միասնական և հստակ կանոններ, քաղաքացիների համար էլ հասանելի կլինի ապրանքների ավելի լայն տեսականի։

Նա նաև հիշեցրել է, որ հոկտեմբերի 1-ից Ռուսաստանում ուժի մեջ կմտնի «Հարթակային տնտեսության մասին» օրենքը, որը թափանցիկ կանոններ կսահմանի այս ոլորտի համար։

ՌԴ վարչապետը կոչ է արել թարմացնել ապրանքների համապատասխանության գնահատման տվյալները ռուսական թվային հարթակներում ապրանքների առաջխաղացման համար։

Միշուստինը հավելել ել է, որ էլեկտրոնային փաստաթղթաշրջանառությանն անցում կատարելը կարագացնի վարչարարական ընթացակարգերը և կհեշտացնի լոգիստիկան։