Աջափնյակի կրակոցներից տուժածներից մեկին վիրահատել են, երկուսինը շարունակվում է

Աջափնյակում տեղի ունեցած կրակոցների հետևանքով տուժածներից մեկի  վիրահատությունն ավարտվել է, ևս երկուսի վիրահատությունները դեռ ընթացքի մեջ են։ 

Այս մասին հայտնել է «Արմենիա» ԲԿ-ի վիրահատական գծով փոխտնօրեն Աշոտ Կուրղինյանը։ Ինչպես հայտնել ենք՝ Աջափնյակում այսօր տեղի է ունեցել զինված միջադեպ՝ հրազենի եւ դանակի գործադրմամբ, որի հետեւանքով 7 անձ՝ տարբեր վնասվածքներով տեղափոխվել են «Արմենիա» ԲԿ, որտեղ արձանագրվել է 1-ի մահը։ Մյուս  տուժածները, փոխտնօրենի փոխանցմամբ, գտնվում են վերակենդանացման բաժանմունքում, նրանց թվում նաեւ վիրահատվածը։  

ՆԳՆ-ից հայտնել են, որ սպանվածի ինքնությունը պարզվել է, նա 45 տարեկան է։