Վեհափառի օրհնությամբ Բագրատ Սրբազանը կմասնակցի նոյեմբերի 5-ի հանրահավաքին

Վեհափառի օրհնությամբ Տավուշի թեմի առաջնորդ Բագրատ եպիսկոպոս Գալստանյանը կմասնակցի նոյեմբերի 5-ին Ֆրանսիայի հրապարակում սպասվող «Դիմադրություն» շարժման հանրահավաքին։ Այս մասին լրատվամիջոցների հետ զրույցում ասել է Մայր Աթոռ Սուրբ Էջմիածնի Տեղեկատվական համակարգի տնօրեն Տ․ Եսայի քահանա Արթենյանը։

«Կազմակերպիչների դիմումին ընդառաջ Վեհափառ Հայրապետի օրհնությամբ Բագրատ եպիսկոպոս Գալստանյանը կմասնակցի հանրահավաքին։ Նորին Սրբության մասնակցությունը հանրահավաքին չի նախատեսվում»,- նշել է նա։

Հիշեցնենք, որ նոյեմբերի 5-ին ժամը 15-ին «Դիմադրություն» շարժումը Ֆրանսիայի հրապարակում հրավիրել է համազգային հանրահավաք։