Ժամը 19։00-ին Ֆրանսիայի հրապարակում հանրահավաք տեղի կունենա

«Դիմադրություն»  շարժումը Ֆրանսիայի հրապարակում ժամը 19։00-ին հանրահավաք կանցկացնի։

Նշենք, որ առավոտից «Դիմադրություն» շարժման մասնակիցները երթ են անցկացնում Երեւանի փողոցներում: ԱԳՆ-ի մոտ ընդդիմադիր պատգամավորները ցանկացան հանդիպել նախարարների հետ, սակայն նրանք կա՛մ տեղում չէին, կա՛մ խուսափեցին նման հանդիպումից: Ընդդիմադիր պատգամավորները, մասնավորապես, ցանկանում են հասկանալ, թե այս կամ այն բարձրաստիճան պաշտոնյան, հասարակական գործիչը ինչ դիրքորոշում ունի Արցախի հարցում, արդյո՞ք համաձայն է, որ Արցախը լինի Ադրբեջանի կազմում:

Այնուհետև շարժման անդամները քայլերթով շարժվեցին դեպի Ռադիոտուն, ԵՊՀ, ՀՊՏՀ։ Համալսարաններում  շարժման անդամներին չհաջողվեց հանդիպել ռեկտորների հետ։ ԵՊՀ-ում ասել էին, թե Հովհաննես Հովհաննիսյանը տեղում չէ, թեպետ պատգամավորները ֆիքսել էին, որ ռեկտորը դուռը փակել է ներսից, իսկ ՀՊՏՀ-ում ռեկտորը հանդիպման էր։