Թրամփը հայտարարել է, որ կփորձի դադարեցնել պատերազմները

ԱՄՆ նախագահ Դոնալդ Թրամփը հայտարարել է, որ ինքը միշտ հակված է լինելու անվերջ պատերազմները դադարեցնելուն:

«ԱՄՆ ռազմական ներկայությունն Աֆղանստանում վերջին 19 տարվա ընթացքում ամենացածրն է: Նմանապես, Իրաքն ու Սիրիան երկար տարիների ամենացածր կետում են: Ես միշտ ձգտելու եմ դադարեցնել անվերջ պատերազմները»,- ասել է Թրամփը Սպիտակ տան կողմից հրապարակված գրավոր հայտարարությունում:

Թրամփն ասել է, որ վերակառուցել է ԱՄՆ զինված ուժերը: «Ինձ համար մեծ պատիվ էր վերակառուցել մեր զինված ուժերը և համազգեստով մեր համարձակ տղամարդկանց ու կանանց աջակցություն ցուցաբերել: Ներդրվել է 2,5 տրիլիոն դոլար, այդ թվում` ԱՄՆ-ում արտադրված գեղեցիկ նոր սարքավորումների մեջ»,- ասվում է տեքստում: