Ադրբեջանում վրդովված են Արցախում Ռուսաստանի զինված ուժերի լայն տեղակայմամբ

Արցախում զինադադարի մասին հայտարարության ստորագրումից հետո Լեռնային Ղարաբաղում ռուս խաղաղապահների ներկայության հետ կապված դժգոհությունը չի մարել սոցցանցերի ադրբեջանական հատվածում. հայտնում է Infoteka24-ը։

Ադրբեջանական կողմին հհատկապես վրդովեցրել է այն փաստը, որ Ռուսաստանը Արցախում տեղակայել է ոչ միայն հետևակի մարտական մեքենաներ, այլև զրահամեքենաներ, տանկեր, էլեկտրոնային պատերազմի համակարգեր և «Գրադ»:

Մասնավորապես՝ ԵՄ-ում Ադրբեջանի նախկին դեսպան Արիֆ Մամեդովը իր ֆեյսբուքյան էջում գրել է. ««Գրադ» համակարգերը հայտնվել են Լաչինի ճանապարհին՝ Ռուսաստանի դրոշի ներքո: Ինչո՞ւ է մեզ պետք «Գրադ» ՀԿՌՀ-ը խաղաղապահ առաքելությունների համար: Բացի այդ՝ համաձայնագիրը չի նախատեսում «Գրադ» ՀԿՌՀ-ի տեղակայում»:

Նման տրամադրությունները կարող են դառնալ Ալիևի ռեժիմի դեմ բողոքների և շարժումների պատճառ, քանի որ շարքային ադրբեջանցիները մի շարք հարցեր են տալիս իշխանություններին: Ըստ կայքի՝ րանք կարծում են, որ Ալիևը բաց է թողել հաղթելու հազվադեպ հնարավորությունը, և համոզված են, որ պատերազմը դեռ չի ավարտվել։