Պուտինը Մակրոնի հետ քննարկել է Արցախում տիրող իրավիճակը

Ռուսաստանի նախագահ Վլադիմիր Պուտինը և նրա ֆրանսիացի գործընկեր Էմանուել Մակրոնը մանրամասն քննարկել են Լեռնային Ղարաբաղի շուրջ իրավիճակի զարգացումը. հաղորդում է Կրեմլի մամուլի ծառայությունը:

«Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Ֆրանսիայի Հանրապետության նՆախագահ Էմանուել Մակրոնի հետ: Հաշվի առնելով ԵԱՀԿ Մինսկի խմբում Ռուսաստանի և Ֆրանսիայի համանախագահությունը՝ մանրամասն քննարկվել է Լեռնային Ղարաբաղի շուրջ իրավիճակի զարգացումը»,- ասված է հաղորդագրության մեջ:

«Վլադիմիր Պուտինը տեղեկացրել է ռուսական կողմի ձեռնարկած ակտիվ միջնորդական ջանքերի մասին, որոնք հնարավորություն տվեցին դադարեցնելու արյունահեղությունը և խուսափելու նոր զոհերից, ինչպես նաև շփման գծի և Լաչինի միջանցքի երկայնքով ռուսական խաղաղապահ զորախմբի տեղակայման մասին: Նշվել է, որ ՌԴ, ՀՀ և ԱՀ ղեկավարների՝ նոյեմբերի 9-ի հայտարարությունը կատարվում է, իրավիճակն ամբողջ տարածաշրջանում կայունացել է»,- ասվում է հաղորդագրության մեջ:

«Պատրաստակամություն հայտնելով ԵԱՀԿ Մինսկի խմբի համանախագահների` Ռուսաստանի, Ֆրանսիայի և ԱՄՆ-ի աշխատանքները համակարգելու պատրաստակամության մասին`առաջնորդները կարևորել են հումանիտար հրատապ խնդիրների լուծումը, ներառյալ՝ փախստականների վերադարձն իրենց մշտական բնակության վայրեր, բնակչության բնականոն կյանքի պայմանների ապահովումը, ենթակառուցվածքների վերականգնումը, քրիստոնեական եկեղեցիների և վանքերի պահպանումը»,- ասվում է հաղորդագրության մեջ: