Ղարաբաղյան պատերազմում գործադրվել է ոչ միայն թուրքական հետախուզությունը, այլ ամբողջ Թուրքիան. Ա. Հովհաննիսյան

Ղարաբաղյան պատերազմում գործադրվել է ոչ միայն թուրքական հետախուզությունը, այլ ամբողջ Թուրքիան: Այդ մասին ճեպազրույցի ժամանակ հայտարարել է Հայաստանի պաշտպանության նախարարության ներկայացուցիչ Արծրուն Հովհաննիսյանը՝ մեկնաբանելով Ռուսաստանի Արտաքին հետախուզության ծառայության ղեկավար Սերգեյ Նարիշկինի հայտարարությունը, որ թուրքական հետախուզությունը մասնակցում է Լեռնային Ղարաբաղում գործողություններին:

«Խոսքը վերաբերում է առանձին թուրքական ստորաբաժանումներին: Ղարաբաղում Ադրբեջանի զինված ուժերի կողմից ռազմական գործողությունների կառավարումը գրեթե բացակայում է, սակայն կա Թուրքիայի Գլխավոր շտաբի կառավարումը, որն օգտագործում է վարձկաններին առաջադրված խնդիրները լուծելու համար»,-նշել է Հովհաննիսյանը: