Վիրավորվածների 30 տոկոսը 24 ժամվա ընթացքում, ստանալով բուժօգնություն, վերադառնում է շարք. Արծրուն Հովհաննիսյան

Շնորհիվ բժշկական ծառայության բարձր որակավորման ու փայլուն աշխատանքի վիրավորվածների մոտ 30 տոկոսը 24 ժամվա ընթացքում, ստանալով համապատասխան բուժօգնություն, վերադառնում է շարք: Այս մասին այսօր՝ հոկտեմբերի 8-ին, հրավիրված ասուլիսի ժամանակ հայնտեց ՀՀ ՊՆ ներկայացուցիչ Արծրուն Հովհաննիսյանը։

«Վերջնական թիվ չեմ կարող ասել, բժշկական ծառայություններն այդ թվերը կհրապարակեն: Շնորհիվ բժշկական ծառայության բարձր որակավորման ու փայլուն աշխատանքի վիրավորվածների մոտ 30 տոկոսը 24 ժամվա ընթացքում, ստանալով համապատասխան բուժօգնություն, վերադառնում է շարք: Դա բավականին լավ ցուցանիշ է, մանավանդ եթե հաշվի առենք այն, որ հրետանային միջոցներ կիրառվում են շատ խիտ»,- ասաց նա։