Թուրքական զորքն արդեն մտել է Նախիջեւան. հուլիսի 29-ից օգոստոսի 10-ը Ադրբեջանի ու Թուրքիայի համատեղ զորավարժություններն են

Թուրքական զորքն արդեն մտել է Նախիջեւան. պատճառը՝ հուլիսի 29-ից օգոստոսի 10-ը Ադրբեջանի ու Թուրքիայի համատեղ զորավարժություններն են՝ երկու երկրների ցամաքային զորքերի եւ ռազմաօդային ուժերի մասնակցությամբ:

Ադրբեջանի պաշտպանության նախարարությունը հայտնել է, որ զորավարժությունները տեղի կունենան ինչպես Նախիջեւանում, այնպես էլ Բաքվում, Գյանջայում, Քուրդամիրում եւ Եվլախում:

Ուշագրավ մեկ դիտարկում. զորավարժություններն անցկացվելու են հայ-ադրբեջանական սահմանին տեղի ունեցած բախումներից հետո: Ի դեպ նախօրեին էլ Ազգային ժողովի «Իմ քայլը» խմբակցության ղեկավար Լիլիթ Մակունցը կարծիք էր հայտնել, թե Թուրքիան չի միանա Հայաստանի նկատմամբ Ադրբեջանի լայնածավալ ագրեսիային: