Մեծ Բրիտանիայում առաջին անգամ հիջաբով մուսուլմանուհին դատավոր է դարձել

Մեծ Բրիտանիայում մուսուլմանուհի Ռաֆիիյա Արշադը դարձել է հիջաբ կրող առաջին կին դատավորը. հայտնում է The Independent-ը։

Ըստ տեղեկության՝ 40-ամյա Արշադն ունի ավելի քան 17 տարվա իրավաբանական փորձ։ Նա կարծում է, որ նրա օրինակը կարևոր է այլ մուսուլմանուհիների համար։ Նրան մանկուց ասել են, որ չի կարողանալու հաջողության հասնել մասնագիտության մեջ իր ծագման համար։ Ի հեճուկս այդ ամենին՝ նա չի հրաժարվել հիջաբից իր ամբողջ կյանքի ընթացքում։

Արշադը նշում է, որ նշանակումից հետո բազմաթիվ մարդկանց կողմից աջակցության խոսքեր է ստանում։

Իր կարիերայի ընթացքում Արշադը զբաղվել է փաստաբանակ գործունեությամբ, որոնք հիմնականում առնչվում են բրիտանացի մուսուլմանների կյանքի խնդրին՝ ընտանեկան իրավունք, բռնի ամուսնություններ, կնոջ կրթության հարց, ինչպես նաև իսլամական իրավունքի վերաբերյալ գործեր։