Իսրայելցի գիտնականները հակամարմիններ են գտել, որոնք օրգանիզմում վերացնում են կորոնավիրուսը

Իսրայելի Պաշտպանության նախարար Նաֆթալի Բեննեթը հայտարարել է, որ Նես-Ցիոնե կենսաբանական ինստիտուտում հրեա գիտնականները հայտնաբերել են Covid-19-ի դեմ հակամարմին։ Այս մասին Yerkir.am-ը տեղեկանում է timesofisrael.com կայքից։

Այս մասին հայտնի է դարձել հրեա նախարարի՝ ինստիտուտ այցելությունից հետո։ Համաձայն Բեննեթի հայտարարության՝ հակամարմինը օրգանիզմում գրոհում է վիրուսի վրա և հանգեցնում նրա ոչնչացմանը։ Հակամարմնի ստեղծման աշխատանքներն արդեն ավարտվել են։ Ինստիտուտը պատրաստվում է դիմել միջազգային կազմակերպություններին՝ դեղամիջոցի մասսայական արտադրության համար։

Ինստիտուտում դեռևս չեն մեկնաբանել այս հայտնագործությունը, սակայն բազմաթիվ փորձագետներ նշում են, որ նման հայտնագործության հնարավորությունը բավական բարձր է։