Էրդողանը մարտի 5-ին կմեկնի Ռուսաստան

Հինգշաբթի` մարտի 5-ին, Թուրքիայի նախագահ Ռեջեփ Թայիփ Էրդողանը կայցելի Ռուսաստան. գրում է Reuters լրատվական գործակալությունը՝ նշելով, որ լուրի իսկությունը հաստատել են թուրք նախագահի վարչակազմում. հայտնում է Yerkir.am-ը:

Նշվում է, որ այցը կտևի ընդամենը մեկ օր:

Հիշեցնենք՝ ավելի վաղ  ՌԴ նախագահի խոսնակ Դմիտրի Պեսկովը հայտարարել էր՝ Ռուսաստանինախագահ Վլադիմիր Պուտինը և Էրդողանը հնարավոր է՝ հանդիպումներ ունենան Մոսկվայում մարտի 5-ին կամ 6-ին:

Միևնույն ժամանակ փետրվարի 28-ին՝ ուրբաթ օրը, երկու երկրների ղեկավարները հեռախոսազրույց են ունեցել: Նրանք ընդգծել են Սիրիայի հյուսիս-արևմտյան իրավիճակի կարգավորման համար լրացուցիչ միջոցառումների անհրաժեշտությունը: Կողմերը պայմանավորվել են ակտիվացնել միջգերատեսչական խորհրդատվությունները, ինչպես նար մշակել բարձր մակարդակով հանդիպում անցկացնելու հնարավորությունը: