Ստամբուլում կհանդիպեն Մերկելն ու Էրդողանը

Գերմանիայի կանցլեր Անգելա Մերկելը հունվարի 24-ին Ստամբուլում բանակցություններ կվարի Թուրքիայի նախագահ Թայիփ Էրդողանի հետ. ըստ Yerkir.am-ի՝ այս մասին հայտնում է ՌԻԱ «Նովոստի»-ն՝ Գերմանիայի կառավարության պաշտոնական ներկայացուցիչ Շտեֆեն Զայբերտի խոսքերին հղումով:

«Դավոս իր այցելության ավարտին (հունվարի 23- խմբ.) կանցլերը կմեկնի Ստամբուլ ուրբաթ, հունվարի 24-ին, տեղի կունենան բանակցություններ Թուրքիայի նախագահ Էրդողանի հետ»,- ասել է Զայբերտն ու հավելել, որ Մերկելի այցի ծրագրում գերմանա-թուրքական համալսարանի նոր ճամբարի բացումն է Էրդողանի հետ միասին, հանդիպումներ բիզնեսի և քաղաքացիական հասարակության ներկայացուցիչների հետ: