ԱՄՆ պետդեպը հորդորել է Քաշմիրի վերաբերյալ խնդիրները լուծել բանակցությունների եղանակով

Միացյալ Նահանգները հայտարարություն է տարածել, որի համաձայն` ուշադիր հետևում է Քաշմիրի շրջանում տեղի ունեցող զարգացումներին, որոնց հետևանքով առաջացել է բռնությունների նոր վտանգ, հայտնում է Al Jazeera-ն:

Նշվում է, որ ըստ ԱՄՆ պետքարտուղարության խոսնակի, ԱՄՆ-ը մտահոգված է ձերբակալությունների վերաբերյալ ստացվող զեկույցներով: Նահանգները նաև կոչ է անում հարգել բոլորի իրավունքները և խնդիրները լուծել բանակցությունների եղանակով:  Պետքարտուղարության խոսնակը կողմերին կոչ է արել շփման գծում պահպանել կայունությունն ու խաղաղությունը:

Հավելվում է նաև, որ ՄԱԿ-ի գլխավոր քարտուղարը ևս կողմերին կոչ է արել ցուցաբերել զսպվածություն: