Ապրիլյան պատերազմի հարցով քննիչ հանձնաժողովի արդյունքներն անհերքելի պետք է լինեն. պատգամավոր

Լրագրողների հետ այսօրվա հանդիպման ժամանակ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ասաց, որ 2016 թվականի ապրիլին ծավալված ռազմական գործողությունների հանգամանքներն ուսումնասիրող քննիչ հանձնաժողովի աշխատանքներն ամռանը և աշնան սկզբին կլինեն գերհագեցած:

«Հանձնաժողովի աշխատանքները հաճախ կարող են հասանելի չլինել լրատվամիջոցների համար, բայց ԶԼՄ-ներին պարբերաբար տեղյակ կպահվի` ինչ քայլեր են կատարվում հանձնաժողովում»,- նշեց նա` հավելելով, որ քննիչ հանձնաժողովն իրենցից  մեծ ջանքեր է պահանջում, որովհետև դրա արդյունքները հասարակության համար անհերքելի պիտի լինեն ու կառուցված միայն ճիշտ փաստերի վրա: