Իրան-Հայաստան երկաթգծի նպատակահարմարությունը մեկ անգամ ևս պետք է քննարկվի. Տիգրան Խաչատրյան

Հյուսիս-հարավ ավտոճանապարհի շինարարության դեպքում, երբ էապես ավելանան ցամաքային փոխադրումները, Իրան-Հայաստան երկաթգծի նպատակահարմարությունը մեկ անգամ ևս պետք է քննարկվի. կառավարությունում լրագրողների հետ ճեպազրույցում ասաց տնտեսական զարգացման և ներդրումների նախարար Տիգրան Խաչատրյանը։

Անդրադառնալով Մեղրու ազատ տնտեսական գոտուն` նա տեղեկացրեց, որ կազմակերպչական խնդիրներ կան, որոնք առնչվում են հողային ձևակերպումներին։ «Ներկայումս Մեղրու ազատ տնտեսական գոտուն ամրակցված հողամասը չի գերազանցում 2 հեկտարը։ Հեռանկարում նախատեսվում է, որ տարածքները սկզբում 10հա ընդլայնման պլան կունենան, հետո` 50 հա», - ասաց նախարարը: